ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

BREAKING NEWS: លោក កឹម សុខា ប្រកាសបញ្ចប់ទំនាក់ទំនងជាមួយ សម រង្ស៊ី និងចង់ធ្វើសន្នីសិទកាសែតជាសាធារណៈ

  • ចុះផ្សាយថ្ងៃទី១៥ ខែមិថុនា ឆ្នាំ២០២២ ម៉ោង ១៨:០៥ នាទី ដោយ Hun Sirivadh
  • 1498
  Aa |   aA

ភ្នំពេញ៖ មេដឹកនាំអតីតបក្សសង្គ្រោះជាតិ លោក កឹម សុខា បានប្រកាសក្នុងសវនាជំនុំជម្រះនៅថ្ងៃនេះផ្ដាច់ទំនាក់ទំនងជាមួយ សម រង្ស៊ី និងចង់ធ្វើសន្នីសិទកាសែតបកអាក្រាតឆ្លើយតបទៅ សម រង្ស៊ី វិញផងដែរ។ នេះជាអ្វីដែលលោក កឹម សុខា ថ្លែងក្នុងសវនាការជំនុំជម្រះនៅសាលាដំបូងរាជធានីភ្នំពេញ ព្រឹកថ្ងៃពុធ ទី១៥ ខែមិថុនានេះ។

លោក កឹម សុខា បានថ្លែងថា «ចប់ហើយ» រវាងលោកនិងលោក សម រង្ស៊ី គ្មានពាក្យថា កឹម សុខា និង សម រង្ស៊ី ជាមនុស្សតែមួយទៀតទេ ក្រោយ សម រង្ស៊ី ឱ្យបក្សភ្លើងទៀនចូលរួមបោះឆ្នោត និងវាយប្រហារលោក កឹម សុខា ថាបានប្រព្រឹត្តិនូវកំហុសដែលមិនបានចេញទៅបោះឆ្នោត។ លោកថាលោកអត់ទ្រាំយូរហើយចំពោះទង្វើររបស់លោក សម រង្ស៊ី។

លោក កឹម សុខា ថ្លែងយ៉ាងដូច្នេះថា៖ «លោក សម រង្ស៊ី គាត់ដើរទៅណាគាត់ប្រកាសអីគាត់ធ្វើអីខ្ញុំដែលគាំទ្រទេ? គាត់ប្រកាស ៩ វិច្ឆិកា ប្រមូលកម្លាំងមកវិញដើម្បីចាប់លោកនាយករដ្ឋមន្ត្រី អំពាវនាវកងទ័ពអីខ្ញុំអត់ដែលគាំទ្រសោះ! ខ្ញុំអត់ដែលគាំទ្រសោះ ខ្ញុំសូមបញ្ជាក់ជូនមានតែហាមគ្នាខ្ញុំមិនឱ្យទៅឡូកឡំជាមួយទៀតនេះពិតហើយព្រោះខ្ញុំអត់មានសិទ្ធិនយោបាយនិយាយជាសាធារណ ដូច្នេះច្បាស់ហើយព្រោះខ្ញុំវាទ្រាំយូរហើយដោយសារតែខ្ញុំមិនអាចនិយាយជាសាធារណបាន។ នៅពេលណាដែលចៅក្រមលោកអនុញ្ញាតឱ្យខ្ញុំមានសិទ្ធិនយោបាយ ខ្ញុំនឹងបើកសន្នីសិទមួយនិយាយរឿងហ្នឹងភ្លាមតែម្ដង»។

លោកបន្ថែមថា «ជនណាដែលចង់នាំបរទេសមកបំផ្លាញកម្ពុជាសូមទៅឱ្យឆ្ងាយពីលោក»។

ក្រោយការបោះឆ្នោតជ្រើសរើសក្រុមប្រឹក្សាឃុំសង្កាត់កាលពីឆ្នាំ២០១២ គណបក្សសមរង្ស៊ី ដែលដឹកនាំដោយលោក សម រង្ស៊ី និងគណបក្សសិទ្ធិមនុស្សដែលដឹកនាំដោយលោក កឹម សុខា បានច្របាច់បញ្ជូលគ្នាបង្កើតជាគណបក្សសង្គ្រោះជាតិដើម្បីចូលរួមការបោះឆ្នោតជ្រើសរើសសមាជិកសភាឆ្នាំ២០១៣។

ទោះជាយ៉ាងណាក្រោយពីលោក កឹម សុខា ត្រូវចាប់ខ្លួន ហើយគណបក្សសង្គ្រោះជាតិត្រូវបានរំលាយដោយតុលាការកំពូល សម្ព័ន្ធភាពនៃគណបក្សបានបែកបាក់ជាច្រើននិងបានបង្កើតជាគណបក្សជាបន្តបន្ទាប់ដើម្បីចូលរួមក្នុងការបោះឆ្នោតខាងមុខ ខណៈគណបក្សដើមគឺគណបក្សភ្លើងទៀន (អតីតបក្សសមរង្ស៊ី) បានចូលរួមការបោះឆ្នោតឡើងវិញផងដែរ។

លោក កឹម សុខា ក៏ធ្លាប់បានប្រកាសផ្ដាច់ទំនាក់ទំនងជាមួយលោក សម រង្ស៊ី ម្ដងរួចមកហើយផងដែរនៅថ្ងៃទី២៨ ខែវិច្ឆិកា ឆ្នាំ២០២១ ដោយបានសរសេរនៅលើហ្វេសបុកផេកលោកដោយស្នើដល់លោក សម រង្ស៊ី នឹងបក្ខពួកឈប់យកឈ្មោះ និងរូបថតរបស់លោកទៅប្រើប្រាស់ភ្ជាប់ជាមួយសកម្មភាពមហិច្ឆិតានយោបាយរបស់ខ្លួន ដែលធ្វើឲ្យសាធារណមតិជាតិ និងអន្តរជាតិមានការភ័ន្តច្រឡំ។ លោកបញ្ជាក់ផងដែរថា លោកមិនពាក់ព័ន្ធ និង មិនទទួលខុសត្រូវចំពោះសកម្មភាពរបស់លោក សម រង្ស៊ី និង ក្រុមនោះឡើយ៕ 

ព័ត៌មានជាច្រើនទៀតសម្រាប់អ្នក